NAGPASALAMAT si Talibon Mayor Janette Garcia ug kanhi mayor ug karon Bokal sa Ikaduhang Distrito Restituto Auxtero sa pagpakigsulti ug pagpaminaw ni Gob. Arthur Yap kanila ug sa ilang katawhan.

Kini atol sa senemanang programa ni Yap nga “Tingog sa Mga Bol-anon” nga didto mismo ipahigayon sa Talibon niadtong Huwbes.

Nibisita ang gobernador ug personal nga gipaminaw ang mga yangongo sa katawhan pinaagi sa ilang tinugyanan sa lokal nga kagamhanan.

Apil nilang gihisgotan ang pag-asdang ug pagdumala sa unsa mang peligro sa panahon sa ting-ulan, tingbagyo ug ubang katalagman, ilabina sa kaislahan.

Uban sa gobernador sila si Provincial Social Welfare Officer Mita Tecson, Provincial Health Cluster head Dr. Yul Lopez , Provincial Disaster Risk Reduction and Management Officer Anthony Damalerio , Provincial Legal Office Nilo Ahat,  Provincial Agriculture Officer Larry Pamugas, Provincial Engr. Camilo Gasatan, Bureau of Fisheries and Aquatic Resources – Bohol Officer Candido Samijon, ug Talibon District Hospital chief Dr. Miguelito Jayoma.