GIPANGHINAUT ni Gob. Art Yap nga mapuslan gyod ang panrabahao pinaagi sa Government Investment Program (GIP) ubos sa Department of Labor and Employment (DOLE) ug inabagan sa kagamhanang probinsiyal.

Nakig-atubang ug nisulti mismo ang gobernador sa 680 ka mga benepisyaryo sa unang hugna sa GIP atol sa ilang oryentasyon sa Bohol Cultural Center kaganiha.

Ang oryentasyon gipahiluna sa DOLE ug kapitolyo pinaagi sa Bohol Employment and Placement Office (BEPO) ug hugpong sa mga Public Employment and Service Officers (PESO) sa mga LGU.

Sagad kanila mga out-of-school youth, ang unang GIP batch nisugod dayon sa pagtrabaho ning adlawa, Septembre 5, human sa oryentasyon.

Ang ikaduhang GIP orientation posibleng himoon sa tunga-tunga ning buwana agad sa final list sa mga aplikante gikan sa DOLE, sumala sa hepe sa BEPO nga si Vilma Yorong.

Ang mga PESO manager na usab sa kalungsoran maoy mopahibalo niini