ADUNAY libreng pag-eksamin ug hearing aid sa mga Bol-anong may diperensiya sa pangdungog sa Bohol Cultural Center sa Nobembre 7-8.

Kini itanyag sa Starkey Hearing Foundation sa gawas sa nasud pinaagi sa founder niini nga si Bill Austin, IDEA Philippines, ug kagamhanang probinsiyal ubos ni Gob. Arthur Yap.

Ang libreng serbisyo maglakip sa otoscopy o pag-eksamin sa pangdungog, paghinlo sa dunggan, pagsukod sa hearing aid, ug pagtudlo sa paggamit sa maong himan sa pangdungog.

Ang proyekto suportado sa kagamhanan sa syudad sa Tagbilaran ubos ni Mayor John Geesnell Yap II, JCI Chocolate Hills, ug Coca-Cola Bottlers Philippines.

Ang mga intresado moadto lang sa Bohol Hearing Clinic sa sud sa Dao Diamond Hotel ning syudad aron magpalista ug magpa-screen.

Sa dugang nga kasayuran, makontak kining mosunod: Jun Noroño / Cora dela Peña, Governor’s Office, Medical Outreach Unit, 09308022549; Reina Balay, City Mayor’s Office, 09070893406; ug Jopeth Laguna, Bohol Hearing Clinic, 09778075892.