Nagpabati ug dakong pasalamat ug kalipay ang taga Tulunan, Cotabato sa mga hinabang o relief goods sa mga donors, benefactors ug contributors nga nakahatag ug relibo sa ilang kawad.on tungod sa ni-aging linog kani-adtong buwan sa Oktubre tuig 2019.

Nahugmo ang tagsa tagsang paglaum sa mga katawhan sa Tulunan, Cotabato mahitungod sa pagkaguba sa ilang mga panag-iya nga di nila mabalik pa busa wala sila kahibaw sa unsa ang pamaagi sa pagbakod gikan niining kahigayuna.

Niabot ang maong balita sa ubang local government units, government agencies, non-government organizations, private units ug mga indibidwal maong sa tagsa tagsang pagkugi ug panglimbasog nakapadala ug nakahatag sila ug mga donasyon ug hinabang para sa mga biktima sa kalamidad. Ug nagpadala usab ug hinabang ang mga kaigsuonan gikan laing nasod alang pagpakita ug suporta para sila makabangon usab.

Ang mismong kalamidad naghatag ug rason para magkahiusa ang mga katawhan sa pagtabang sa mga nanghinanglan nga nagpasabot nga sa tanang kalisod naay kahayahay nga nagpaabot.