Gipasidunggan ang Female Dormitory sa Bohol District Jail isip Best Female Dormitory sa rehiyon 7 sa  4th quarter sa tuig 2019.

Kini gitaho ni Female Jail Warden JINSP Liza Jomuad Dinglasa sa iyang sulat ngadto kang akting gobernador Rene Relampagos.

Matud sa babaeng warden, nahitabo ang maong pasidungog atol sa ilang Fourth Quarter Jail Convergence didto sa Sugbo. Ang “Best Award”   gilagdaan ni Paulino Moreno Jr., Jail Chief Superintendent, BJMP 7.

Ang pasidungog mihisgot usab sa makanunayong suporta sa mga programa ug katuyuan sa Bureau of Jail Management (BJMP) ug sa BDJ mismo sa  kagamhanang probinsyal ubos sa liderato ni Gob. Art Yap.