Bantayan usab ang mga pumpboat nga sakyan og mga langyawng turista gikan sa silingang probinsiya apan adto modunggo sa gagmayng pantalan sa Bohol sama didto sa Getafe.Kini apil nga gituki sa orientation ni coronavirus Technical Working Group (TWG) spokesperson Dr. Yul Lopez ngadto sa mga hepe sa kapolisan nga gihimo sa Kampo Dagohoy kagahapon.Nasayran nga dunay mga turistang Insik nga hilig nga mopakyaw og mga pumpboat sa ilang pagsuroy apil sa kaislahan sa Sugbo ug Bohol.Hinuon nagpadayon ang istriktong temporaryong entry ban sa nasud sa mga Insik gikan mismo sa mainland China ug mga administrative region niini sama sa Hong Kong ug Macau.Apil sa ban ang ubang langyawng turista nga gikan o mihapit sa Tsina, Hong, Kong ug Macau sud sa 14 ka adlaw sa di pa molahus sa Pilipinas.Matud ni Lopez sa press briefing, importante ang kapolisan sa pagbantay sa mga bangkang de motor gipakyaw sa mga turista apan dili modunggo sa dagkong pantalan sa Bohol.