GISAKAAN ni Gob. Arthur Yap og 25% ang regyular nga tinuig nga barangay financial assistance sa probinsiya gikan sa P20,000 ngadto sa P25,000.

Adunay 1,109 ka mga barangay ang tibuok lalawigansa Bohol, apil ang 15 sa syudad sa Tagbilaran.

Gawas sa regyular nga barangay aid, adunay suportang pinansiyal para sa nagkalain-laing programa, proyekto, serbisyo ug ubang kalihukan sa kabarangayan.

Dugang niini ang mga plano, kalihukan ug kaayohan mismo sa probinsiya nga napatuman na, ipuno sa pagpatuman, ug direktang nasinati ug mapuslan pa sa mga barangay.