Andam na kaayo ang 33 ka mga higdaanan (beds) sa Gov. Celestino Gallares Memorial Hospital (GCGMH) kon “mogara” sa Bohol ang inpeksyon nga may kalabotan sa COVID-19.

Gipasalig ni hospital chief Dr. Mutya Kismet Tirol-Macuno nga kon modaghan, giandam usab ang medical facility two (Med 2) nga adunay 33 beds ug Med 3 nga may 77 beds—ug moabot pa gani tanan og 170 beds.

Ang GCGMH adunay 25 ka mga ventilators apan nagamit sa ubang pasyente ug pito (7) na lang ang puwedeng gamiton.

Hinuon adunay bag-ong 10 nga moabot sa sunpod nga semana ug mapun-an pa kini’g duha (2), matud ni Macuno.

Nagkanayon ang hepe sa Gallares Hospital nga suwerte ang Bohol nga ang mga lider sayo nga niresponde ug nangandam sa COVID-19 bisan pa sa mga limitasyon

Gidasunan ni Macuno ang baruganan ni Gob. Arthur Yap nga mosugot man o dili ang kahimtang, dawaton sa Bohol ang mga OFW apan kini responsibilidad sa tanan. (Ven rebo Arigo)