ANG Information Cluster sa Provincial Emergency Management Administration (PEMA), pinaagi sa buhatan sa PRIMER, naghimo’g live virtual presser matag adlaw nga makita sa Art Yap facebook page.

Mo-update ug mopasabot sa mga isyo si Dr. Yul Lopez, spokesperson sa Technical Working Group (TWG), kabahin sa mga lagda ug sumbanan batok sa COVID-19—ug pagdumala sa mga nanguling OFWs.

Nagsugod ang virtual presser niadtong Abril 30 nga makita ug madungog sa fb page sa gobernador alas 3:00 ngadto sa 5:00 sa hapon kada adlaw.

Apil sa nahimo nang guests niini sila si Dr. Angelo “Bong” Lechago, Dr. Mutya Kismet Tirol-Macuno, kinsa hepe sa Gov.  Celestino Gallares Memorial Hospital, ug ubang sakop sa TWG.

Si Gob. Art Yap mismo mohatag og mga taho ngadto sa katawhang Bol-anon pinaagi sa maong virtual presser.  (PRIMER, May 9, 2020)