SUGDAN karong adlawa, Huwebes, ang pag-ayo sa kahoyng tulay sa barangay Montevideo sa Carmen nga nahunlak kay giagi-ag hilabihan nga kabug-at ug puno nga trak de karga bisag ayohonon ang kondisyon niini.

Ang tulay nga nagsubay sa dalang probinsiyal naapil sa programa sa rehabilitasyon sa mga inprastruktura sa Provincial Engineering Office (PEO) ning tuiga.

Gisusi ni Engr. Junin Caberte ang maong dapit kagahapon, Miyerkoles, human nadawat ang taho nga naguba ang tulay kay nilugos og agi ang bug-at ug puno kaayong de karga.

Aduna nay alokasyon sa pag-ayo sa maong tulay ning tuiga ug kini mahuman suds a duha ka semana, sumala ni Provincial Engr. Camilo Gasatan. Ang mga motorista nga mosud sa Montevideo gipahibawo nga adto una moagi sa barangay Montehermoso. (Ven rebo Arigo)