GIMANDOAN ni Gov. Arthur Yap ang Provincial Engineering Office ug Provincial Motor Pool nga susihon ang kadalanang probinsiyal ning subsob nga pag-uwan.

Buot sa gobernador nga sigurohong maagian ang mga provincial road kay gidahum nga magsigeg bonok ang uwan sa mosunod pang mga adlaw o semana.

Sumala sa mga eksperto sa panahon, posibleng moabot ang laing dili ordinaryong tinguwan nga gitawag og La NiƱa.

Ganiha, gisusi nilang Prov’l. Engr. Camilo Gasatan, Motor Pool chief Engr. Abraham Clarin ug Executive Assistant/PRIMER head Kevin Damalerio ang usa ka provincial road sa Carmen. (Makita sila sa ubos nga hulagway.)

Dugang nga mga dalang probinsiyal ang napondohan/naprograma aron konkretohon sa sunod tuig.

Naapil ang dalan sa Carmen sa programa sa pagsemento sa 2021. (Ven rebo Arigo)