Mibisita si Gov. Art Yap sa isla sa Pangapasan, Tubigon atol sa outreach program nga gihimo sa kagamhanang probinsyal kaganihang buntag.

Nanguna ang governador sa pagpanghatag ug school supplies, mga regalo ug tambal sa 137 ka mga bata sa isla.

Ang maong outreach program inisyatiba parte sa Learning Support Program sa kagamhanang probinsyal nga nagtumong nga mahatagan ug mga gamit sa eskwelahan ang mga bata nga nagpuyo sa mga isla nga barangay ug hilit nga mga lugar sa Bohol.

Kauban sa gobernador sila si Mayor William Jao, Jen Dano (EDCENTER) ug mga opisyales sa barangay.