DILI BABAG ang pandemya sa padayong paghatud sa mga ayuda ug serbisyo sa probinsiya.

Tamdon lang gyod ang basic safety standard, ilabina ang pagsul-ob ug face mask ug social distancing.

Ang katawhan mismo kinahanglang mosunod niini kay ang kagamhanan kanunayng nagpahinumdum.

Dili huwaton nga sigehag pahimangno sa mga awtoridad kay ang matag usa mao mismoy responsable sa kaugalingong panglawas ug kinabuhi.

Apil sa mga kalihukan sa kagamhanan ang paghatud ni Gob. Arthur Yap og mga ayudang pinansiyal sa kabaranggayan.

Gihatud usab niya ang honorarium, allowance/subsidy sa mga livestock aide, Day Care ug health worker, suporta sa

panginabuhi ug uban pa.

Gihangop sa mga suok nga dapit sa probinsiya ang HEART Caravan sa kagamhanang probinsiyal.

Kini naghatud og libreng tambal, bugas, binhi, mga serbisyo ug daghan pang kaayohan. (Ven rebo Arigo)